Instituti i Gjuhësisë dhe Letërsisë, Departamenti i Gjuhësisë organizon ditën e premte, më 15 korrik 2016, konferencën shkencore me temë: “KËRKIME GJUHËSORE V”. Jeni të ftuar të merrni pjesë! Për programin klikoni këtu.

Formë regjistrimi



Botime të QSA



Thirrje për konferencë pdf Shtyp Email
Shkruar nga Administrator   
E mërkurë, 23 Shtator 2015 11:02

Instituti i Antropologjisë Kulturore dhe Studimit të Artit, Departamenti i Etnologjisë, organizon Konferencën III, të përvitshme "Antropologjia, Etnologjia dhe Historia". Debati për raportin që kanë mes tyre, antropologjia social-kulturore dhe etnologjia me historinë, dhe anasjelltas, ka marrë vëmendjen e herëpasherëshme të shumë studiuesve si të historisë së mendimit antropologjik, ashtu edhe të teoricineve që kanë kontribuar në teorinë antropologjike. Etnologjitë kombëtare në Evropën Qëndrore, Lindore e Juglindore u fokusuan në studimin dhe shpesh ruajtjen dhe ndryshimin e jetës tradicionale (rite e rituale, doke e zakone, ekonomi tradicionale si dhe kulturë materiale) të popujve përkatës, e cila lokalizohej diku në të shkuarën. Po ashtu, me vendosjen e sistemeve socialiste, pati përpjekje teorike për të organizuar interpretimin e të shkuarës tradicionale sipas qasjes së materializmit dialektik. 

Modifikimi i fundit E mërkurë, 23 Shtator 2015 11:32
Lexo me shume...
 
Konferencë Ndërkombëtare pdf Shtyp Email
Shkruar nga Administrator   
E martë, 07 Korrik 2015 12:38

Instituti i Gjuhësisë dhe i Letërsisë si dhe Shkolla doktorale në gjuhësi, pranë Qendrës së Studimeve Albanologjike, Tiranë, organizojnë më 10 korrik 2015 Konferencën IV Ndërkombëtare “Kërkime Gjuhësore”, një veprimtari tashmë e përvitshme dhe e institucionalizuar. Ashtu si dhe në tri konferencat e mëparshme, edhe këtë vit ka pasur aplikime të shumta nga doktorantët e Shkollës sonë, por edhe nga ata të universiteteve shqiptare, në Shqipëri, Kosovë dhe Maqedoni.

Përgjithësisht pjesëmarrësit janë studiues të rinj dhe në proces të përgatitjes së tezave në kërkim të gradës “Doktor shkencash”. Por në Konferencë marrin pjesë dhe shumë studiues të tjerë, me grada e tituj shkencorë, tashmë të njohur në studimet albanologjike.

Edhe këtë vit tematika e Konferencës është e hapur dhe e konceptuar në katër fusha të kërkimit shkencor: në leksikologji e semantikë; në gramatikë e histori të gjuhës shqipe; në gjuhësi të zbatuar, dialektologji e sociolinguistikë; në studimet që lidhen me marrëdhëniet gjuhë e letërsi dhe në metodat e përvetësimit të gjuhës.

Gjejmë rastin të falënderojmë të gjithë aplikuesit, sidomos ata që komisioni organizues i Konferencës i përzgjodhi si kumtues.Për programin e plotë klikoni këtu.

Modifikimi i fundit E martë, 07 Korrik 2015 12:43
 
Konferencë kushtuar kontributit shkencor të prof. dr. Jorgji Gjinarit pdf Shtyp Email
Shkruar nga Administrator   
E enjte, 02 Prill 2015 09:36

Departamenti i Gramatikës i Institutit të Gjuhësisë e të Letërsisë (QSA) organizon një konferencë shkencore me rastin e 85-vjetorit të lindjes së prof. dr. Jorgji Gjinari, ish-punonjës shkencor i Institutit të Gjuhësisë e të Letërsisë (1956-1992). Profesor J. Gjinari, është një nga dialektologët më të shquar shqiptarë, autor i një vargu monografish për të folme të ndryshme të shqipes, autor i veprës më të plotë e përgjithësuese mbi dialektet e gjuhës shqipe, bashkautor dhe drejtues shkencor i veprës madhore “Atlasi Dialektologjik i Gjuhës Shqipe”. Gjithashtu ai ka sjellë kontribute edhe në fusha të tjera të gjuhësisë, si dialektologji historike, prejardhja e gjuhës shqipe, marrëdhëniet e dialekteve me gjuhën letrare etj.

Modifikimi i fundit E enjte, 02 Prill 2015 12:56
Lexo me shume...
 
Konferenca e VI Ndërkombëtare “Iliria e Jugut dhe Epiri në Antikitet” pdf Shtyp Email
Shkruar nga Administrator   
E premte, 15 Maj 2015 09:54

Instituti i Arkeologjisë, pranë QSA dhe Qendra Shkencore Hisoma, pranë Universitetit Lyon 2, France organizojnë Konferencën e VI Ndërkombëtare “Iliria e Jugut dhe Epiri në Antikitet”. Lutemi, shikoni ftesën dhe programin bashkëngjitur.

Këtë vit kjo konferencë organizohet në Tiranë, më 20-23 maj. Edicioni i parë i saj është organizuar në vitin 1984 në Clermont-Ferrand, ndërsa i fundit u zhvillua në Grenoble, në tetor të vitit 2008. Në çdo gjashtë vjet kjo konferencë mundëson mbledhjen e gjithë komunitetit shkencor që punon në Ballkan nga periudha pre- dhe protohistorike deri në periudhën mesjetare bizantine. Kjo është e vetmja konferencë në këtë fushë dhe ajo bën të mundur të mblidhen së bashku kërkuesit shkencorë të fushës së arkeologjisë.

Modifikimi i fundit E premte, 15 Maj 2015 10:01
Lexo me shume...
 
Ftesë për pjesmarrje në konferencë pdf Shtyp Email
Shkruar nga Administrator   
E martë, 24 Shkurt 2015 13:07

Shkolla doktorale e Studimeve Letrare, pranë QSA-së, ka institucionalizuar konferencën e përvitshme në fushën e studimeve dhe të kërkimeve shkencore në letërsi.

Konferenca shkencore ndërkombëtare me temë: “STUDIMET LETRARE NË PROCES: TEZA, PROJEKTE, IDE DHE REZULTATE” do të zhvillohet në muajin qershor.

Ftesa zyrtare, së pari, u drejtohet personave që janë në procesin e përgatitjes së doktoraturës në fushën e gjuhës shqipe, jo vetëm pranë shkollës sonë, por edhe atyre që ndjekin këtë nivel shkolle në universitetet e tjera në Republikën e Shqipërisë dhe jashtë saj, sidomos atyre të trojeve shqiptare.

Modifikimi i fundit E martë, 24 Shkurt 2015 13:15
Lexo me shume...
 
<< Fillo < Para 1 2 3 4 5 6 7 8 9 10 Tjetri > Fund >>

Faqe 2 nga 10